Patshaıym Elızaveta ІІ óz mereıtoıynda sadaqa taratady
ASTANA. 21 sáýir. QazAqparat - Búgin, 21 sáýirde 85 jyldyǵyn toılaıtyn Ulybrıtanııa Patshaıymy Elızaveta ІІ uzaq jyldar boıy jalǵasyp kele jatqan dástúr boıynsha Vestmınster abbattyǵynda sadaqa taratý rásimine qatysady, dep habarlaıdy Utro.ru saıty.
Bul kúni monarh qalyptasqan dástúr boıynsha sobor jurtshylyǵynyń qatarynan iriktelgen zeınetkerlerge qudaıy sadaqa úlestiredi. Biraq bıyl zeınetkerlerdiń qatary Eýropa prıhodtarynan jáne Men aralyǵynan arnaıy shaqyrylǵan qarııalarmen tolyǵady - barlyǵy 85 er azamat pen 85 áıel shaqyrylyp otyr jáne olardyń báriniń jastary Patshaıymmen shamalas.
Olardyń árqaısysy monarhtyń qolynan qyzyl jáne aq tústi
eki kishkene qapshyq alady. Qyzyl qapshyqta Patshaıymnyń jubaıy gertsog Edınbýrgskııdiń bıyl maýsym aıynda atap ótiletin 90 jyldyq mereıtoıyna oraı shyǵarylǵan 5 fýnt sterlıng shaqa men 2012 jylǵy London Olımpıadasynyń qurmetine shyǵarylǵan 5 penstik «olımpıadalyq» shaqa salynsa, aq qapshyqqa monarhtyń jasyna teń soma - 85 pensti quraıtyn tıyn-teben salynady.
