Patshaıym Elızaveta ІІ qarapaıym brıtandyqtardyń toıynda boldy
ASTANA. 25 naýryz. QazAqparat - Ulybrıtanııa men Soltústik Irlandııanyń Patshaıymy Elızaveta ІІ qarapaıym brıtandyq juptyń toıynda qudaıy qonaq boldy, dep habarlaıdy VVS.
Kúıeýi Fılıpp gertsogpen birge eldi aralap júrgen ol, Manchester qalasynyń ratýshasyna at basyn tiregen. Sol kezde bul ǵımaratta jas jubaılardyń neke qııý rásimi bolyp jatqan kórinedi.
Djon jáne Fransıı atty jas jubaılar monarhtyń toılaryna kezdeısoq kelgenine qatty qýanǵan. Onymen qosa, rásim bitkennen keıin Patshaıym olardy quttyqtap, birge sýretke de túsken.
Patshaıym Elızaveta ІІ el basqarǵanynyń 60 jyldyǵyna oraı kúlli eldi aralap júr. Búginde ol 63 jyl boıy bılik qurǵan arǵy ájesi Vıktorııadan keıingi eń kóp ýaqyt táj kıip júrgen monarh bolyp sanalady.
