Patshaıym Elızaveta II Garrı hanzadaǵa qarsy sot isin bastaýǵa buıryq berdi – BAQ
LONDON. QazAqparat – Ulybrıtanııa patshaıymy ІІ Elızaveta Garrı men Meganǵa qarsy sot isin bastaýǵa buıryq berdi, dep habarlaıdy QazAqparat The Sun gazetine silteme jasap.
Patshaıymnyń zańgerleri ІІ Elızavetanyń nemeresi Garrı men onyń áıeli Megan Markldyń synynan keıin jala máselesi boıynsha mamandanǵan kompanııalardyń sarapshylarymen keńesip jatyr.
Basylymnyń habarlaýynsha, olardyń aıtqandary patshaıymnyń shamyna tıgen. Garrı men Meganǵa qarsy sot isi qozǵalady. Olarǵa osyndaı jolmen aıtylǵan sózderdiń jazasyz qalmaıtyny túsindirilmek.
Ótken aıda koroldik otbasy Garrıdyń memýar jazyp jatqany týraly jańalyqty estip, tań qaldy. Ol kitabynda koroldik otbasynyń ishki syrlarymen bólisip, ony patshaıymnyń 100 jyldyq mereıtoıyna oraılastyryp shyǵaratynyn málimdegen.
Penguin Random House baspa úıine quqyqtyq eskertý jiberý týraly másele qarastyrylyp jatyr.
