Patshaıym Brıtanııa lıberal-demokrattarynyń jetekshisin vıtse-premerlikke bekitti
ASTANA. Mamyrdyń 12-si. QazAqparat - Ulybrıtanııa Patshaıymy Elızaveta ІІ brıtandyq lıberal-demokrattar partııasynyń jetekshisi Nık Kleggti jańa koalıtsııalyq úkimettegi premer-mınıstrdiń orynbasary qyzmetine bekitti,
delingen Daýnıng-strıtten jetken habarlamada. QazAqparat bul týraly «Maıak» radıosyna silteme jasap habarlaıdy.
Osylaısha, lıberal-demokrattar partııasy ózderi qurylǵan 1988 jyldan beri alǵash ret úkimet quramyna kirip otyr. Aıta ketý kerek, vıtse-premer laýazymy konstıtýtsııalyq normalarmen qarastyrylmaǵan, degenmen ol kabınettegi eń joǵary laýazymdardyń biri bolyp tabylady.
Búgin, sársenbi kúni Ulybrıtanııada jańa úkimettiń birinshi otyrysy ótýi yqtımal. Bul týraly VVS telekompanııasy habarlaýda. Esterińizge sala keteıik, úkimet basshylyǵyna Gordon Braýnnyń ornyna Devıd Kemeron keldi. Brıtandyq basylymdardyń derekteri boıynsha, jańa koalıtsııalyq úkimetke lıberal-demokrattardan 5 mınıstr kiredi, partııanyń taǵy 15 shaqty ókili apparat qyzmetkerleri atanady.
