Patrýshev: Pýtın Beıjińge baryp, Sı Tszınpınmen kelissóz júrgizýdi josparlap otyr
Reseı prezıdenti Vladımır Pýtın men QHR tóraǵasy Sı Tszınpın qazanda Beıjińde kelissóz júrgizýi yqtımal. Bul týraly RF Qaýipsizdik keńesiniń hatshysy Nıkolaı Patrýshev strategııalyq qaýipsizdik boıynsha reseı-qytaılyq keńeste málim etti, dep habarlaıdy QazAqparat TASS-qa silteme jasap.
«Qazanda Reseı prezıdenti «Bir beldeý – Bir jol» halyqaralyq forýmyna qatysyp, QHR tóraǵasy Sı Tszınpınmen Beıjińde ekijaqty kelissóz júrgizedi degen jospar bar», - dedi ol.
Patrýshev Máskeý men Beıjińniń qarym-qatynasy syılastyq, bir-biriniń ishki isine aralaspaý, halyqaralyq arenada ózara qoldaýǵa negizdelgenin jáne «baǵaly ári syrtqy jaǵdaıattan tysqary» ekenin atap ótti.
«Bir beldeý – Bir jol» bastamasyn 2013 jyly Sı Tszınpın kóterdi, ol baıaǵy Jibek jolyn jańǵyrtýdy kózdeıdi. Maqsaty – Qytaıdyń Orta Azııa, Taıaý Shyǵys, Eýropa, Afrıka men basqa da óńir naryqtaryna shyǵyp, kóptegen eldi qatystyra otyryp, qyzyǵýshylyq tanytqan memleketterdiń kapıtalyn paıdalanyp, halyqaralyq saýda-ınvestıtsııa jobalaryn júzege asyrý. Bastamaǵa 150-den astam memleket pen halyqaralyq uıym qosylǵan.
