Patrýldyq mılıtsııa qyzmetkerleri óz-ózine qol salmaq bolǵan er adamdy qutqardy
ASTANA. QazAqparat - Bishkekte patrýldyq mılıtsııa qyzmetkerleri óz-ózine qol salmaq bolǵan er adamdy qutqardy, dep habarlady KırTAG qalalyq MІІB silteme jasap.
Búgin 12 shildede shamamen saǵat tańǵy 04:30 Sherálıev pen Ońtústik Magıstral kósheleriniń qıylysynda Bishkek q. MІІB patrýldyq mılıtsııa qyzmetkerleri aǵashqa jip baılap, býynyp ólmek bolǵan er adamdy baıqap qaldy.
Mılıtsııanyń aǵa praporşıgi Ý.Imanqulov er adamnyń aıaǵynan ustap úlgerdi, al mılıtsıonerler M.Abdraıymov pen K. Sooronbev ony jipten bosatty.
Er adamnyń jaǵdaıy aýyr boldy, tıisti medıtsınalyq kómek kórsetilip, ol esin jıdy.
Er adam óz áreketin jalǵyzdyqtan sharshaǵanymen túsindirdi. Osyǵan baılanysty óz-ózine qol salmaq bolǵan.
