Patrýldeý, alǵashqy kómek kórsetý - bolashaq ofıtserlerdiń beınesi qandaı

Búkil álem arpalysyp jatqan koronavırýs indetine qarsy dárigerler, áskerıler, polıtsııa qyzmetkerleri naǵyz shynaıy, beıbit zamannyń batyrlary ispettes bolyp otyr.

Búgingi 7 mamyr Otan qorǵaýshylar kúnine oraı áskerı oqý ornynda oqyp jatqan kýrsanttar týraly da aıta ketsek artyq etpes.

Búginde aýlalarymyz zararsyzdandyrylyp, qart kisiler men muqtaj azamattarǵa azyq-túlik jetkizilip tursa, ol da bolashaq ofıtserlerdiń arqasy.

Osyndaı qysyltaıań sátte Almatydaǵy Radıoelektronıka jáne baılanys áskerı-ınjenerlik ınstıtýtynyń kýrsanttary da bul ıgi isten tys qalyp jatqan joq.

Elbasy jarııalaǵan respýblıkalyq #Bizbirgemiz aktsııasy aıasynda áskerı-ınjenerlik ınstıtýtynyń áskerı qyzmetshileri soǵysy ardagerlerine, kópbalaly jáne az qamtylǵan otbasylaryna azyq-túlik qoraptaryn taratty. Instıtýt kýrsanttary 15 Ekinshi dúnıejúzilik soǵys ardageri jáne 5 az qamtylǵan otbasyǵa kómek kórsetti.

Áskerı qyzmetshiler ár otbasyǵa meken-jaıy boıynsha azyq-túlik qoraptaryp jetkizip berdi.

Sonymen qatar, qoǵamdyq qaýipsizdik pen tártipti qamtamasyz etý úshin áskerı ınstıtýt kýrsanttary Qarýly Kúshterdiń áskerı qyzmetkerlerimen birge, Ulttyq ulan bólimderi men polıtsııa qyzmetkerleri kún saıyn kóshe patrýline shyǵady.

Tótenshe jaǵdaı kezinde Radıoelektronıka jəne baılanys əskerı-ınjenerlik ınstıtýtynyń əskerı qyzmetshileri Dinmuhamed Altynbek pen Erzat Bekpolov qyraǵylyǵymen erekshe kózge tústi.

Almaty kóshelerin patrýldeý kezinde olar Jangeldın-Júrgenov kósheleriniń qıylysynda urydan jábir kórgen qart adamǵa alǵashqy kómek kórsetken.

Urylar egde jastaǵy er adamdy pyshaqtap qolyndaǵy aqshasyn alyp qashpaq bolǵan.

«Dezınfektsııa júrgizý kezinde jaıaý júrginshiler jolynyń jıeginde jatqan qart er adamdy kórdik. Pyshaq jaraqatynan qan ketip jatyr eken. Biz jaraqatty qolda bar zattarmen tańdyq. Tańǵysh matanyń ornyna belbeý qoldanyp, jedel-jərdem shaqyrdyq. Barlyǵyn ózimizge úıretken algorıtm boıynsha jasadyq», - dedi əskerı-ınjenerlik ınstıtýtynyń 4 kýrs kýrsanty Dinmuhamed Altynbek.

Qart kisi kóp qan joǵaltqan. Biraq der kezinde kórsetilgen kómektiń arqasynda tiri qalǵan.

«Sol kúni zeınetaqy alǵanmyn. Qolymda aqsha salynǵan əmııanym boldy. Bir adam menen aqsha surady, berýden bas tartqannan keıin pyshaqpen shyntaq býynynyń búgilgen jerine soqqy jasady. Jigitter óz kómekteri men qosa qyraǵylyqtaryn kórsetti. Olar meniń jaraqatymdy baılap, qan toqtatyp, jedel járdem shaqyrdy. Men olarǵa sheksiz rızamyn. Olardyń ómiri men qyzmeti sətti bolsyn. Əskerılerdi kəsibı mamandar daıarlaıtynyna kózim jetti. Osyndaı jaýyngerler el qorǵany bolyp turǵanda biz tynysh ómir súre alamyz», - dedi Mergen Shymerbaev.

Osy ınstıtýttyń kýrsanttary Ersultan Bolat pen Azat Smaıyl qaýipti qarýmen kóshede júrgen qylmyskerlerdi ustady.

Oqıǵa Tóle bı — Saın kósheleriniń aýmaǵynda bolǵan. Áskerılerdiń aıtýynsha, patrýldeý kezinde olarǵa bir jigit kelip, eki adamnyń biriniń qolynda granataǵa uqsas jarylǵysh zat baryn aıtqan.

Dereý iske kirisken kýrsanttar kúdikti azamattardy toqtatyp, qujattaryn kórsetýdi talap etken. Biraq olar sózge qulaq aspaı qashýǵa yńǵaılanǵan. Kýrsanttar qashýyna jol bermegen.

«Olardyń bireýiniń qaltasynda tompaıǵan zat boldy. Kenetten ol ony jerge laqtyryp jiberdi. Men granata korpýsy ekenin bildim, al ol granatanyń saqtandyrǵyshyn basqa qaltasynan alyp, qolynda ustap turdy. Bul jarylǵysh zattyń paıdalanýǵa daıyn emes ekenin bildiredi», - dedi 4-kýrs kýrsanty Ersultan Bolat.

Ustalǵandar polıtsııaǵa tapsyryldy. Al granatany tárkilep, tıisti saraptamaǵa jiberdi. Keıin belgili bolǵandaı, olardyń biri buryn urlyq pen qaraqshylyq úshin sottalǵan eken. Granatanyń qaıdan alynǵandyǵyn, qandaı maqsatqa paıdalanýdy kózdegenin endi quqyq qorǵaý organdary anyqtaıtyn bolady.

Aıtpaqshy, Ersultan Bolat pen Azat Smaıyl keshe «El qorǵany» medalimen marapattaldy. Medal Nur-Sultan qalasynan jiberildi.

Aıta ketsek, Qazaqstan Qarýly Kúshteri əskerı qyzmetshileri úı-jaılar men nysandardy, qoǵamdyq oryndardy aýqymdy dezınfektsııalaý jumystaryn jalǵastyryp keledi. Almatyda Radıoelektronıka jəne baılanys əskerı-ınjenerlik ınstıtýtynyń bólimshelerimen 5,5 mln sharshy shaqyrymnan asa aýmaq óńdeldi.

Sondaı-aq, Instıýttyń áskerı qyzmetshileri Almaty qalasynyń kóshelerin, ǵımarattaryn jáne qoǵamdyq oryndaryn jappaı zararsyzdandyrý jumystaryna belsene atsalysyp jatyr.

Jeke zararsyzdandyrý jıyntyqtarymen búrký syndy dástúrli zararsyzdandyrý ádisinen bólek áskerı qyzmetshiler ARS-14 avtoquıylmaly stantsııalary arqyly kóbikpen zararsyzdandyrý jumystaryn júrgizip jatyr. Qala kósheleri arnaıy jýý-zararsyzdandyrý eritindilerimen kópirshite jýylýda. Hımııalyq belsendiligine qaramastan bul ertindi adamdar men qorshaǵan ortaǵa zııansyz, allergııa shaqyrmaıdy. Osy kúnge deıin bul ınstıtýttyń áskerı qyzmetshilerinen qurylǵan bólimshe jalpy kólemi 5 mln sharshy metrden asatyn 4000 nysandy zararsyzdandyrdy, bul jumysqa 500 adam tartyldy.