Patronattardyń aılyǵy balalar úıi tárbıeshileriniń jalaqysymen teńestirledi
ASTANA. QazAqparat –Oqý-aǵartý mınıstriniń patronat tárbıeshilerdiń mártebesi týraly buıryq jobasy kópshilik talqylaýyna shyǵaryldy, dep habarlaıdy QazAqparat tilshisi.
Qujat jobasy patronat tárbıeshilerdiń bilim berý uıymdaryndaǵy azamattyq qyzmetshi emestigin aıqyndaıdy.
«Bala qabyldaıtyn ata-analar bilim berý uıymdarynyń azamattyq qyzmetshileri bolyp tabylmaıdy, jumysqa qabyldanbaıdy. Olarǵa eńbek demalysy berilmeıdi. Biraq olar bala tárbıesi boıynsha qyzmetter kórsetedi. Bala qabyldaıtyn ata-analardyń qyzmetterine aqy tóleý mólsheri jetim balalar men ata-anasynyń qamqorlyǵynsyz qalǵan, nólden úsh jylǵa deıingi ótili bar balalarǵa arnalǵan uıymdardyń tárbıeshileriniń jalaqysynyń mólsherinen aıqyndalǵan», - dep jazylǵan buıryq jobasymen qosa jarııalanǵan salystyrmaly kestede.
Qoldanystaǵy normatıvtik qujatta balany qabyldaıtyn árbir ata-anaǵa aqy tóleý bir jyldan kem eńbek ótili bar, bilim salasynda sanaty joq, biliktiligi orta deńgeıdegi (V4-4) negizgi personaldyń laýazymdyq aılyǵy mólsherimen júrgizilgen bolatyn. Al usynylyp otyrǵan redaktsııada «Qabyldaıtyn otbasynda tárbıelegeni úshin árbir asyrap alýshy ata-anaǵa patronat tárbıeshilerdiń qyzmetterine aıyna 35 aılyq eseptik kórsetkish (120 750 teńge) mólsherinde aqy tólenetini» aıtylǵan.
Eske salsaq, elimizde kásibı patronattyq otbasyn qurý jobasy ázirlenip jatyr.