Patrıottyq tanytqan azamattarǵa beriletin «El úmiti medaline» endi 35 jasqa deıingiler usynylady

ASTANA. QazAqparat – Patrıottyq tanytqan jáne belsendi azamattyq ustanymymen erekshelengen qazaqstandyqtardy nagrattaýǵa arnalǵan «El úmiti medali» endi 35 jasqa deıingi azamattarǵa berilmek. Bul týraly «Ashyq» NQA portalynda jarııalanǵan Úkimet qaýlysynda jazylǵan, dep habarlaıdy QazAqparat tilshisi.

«El úmiti medali» - patrıottyq tanytqan jáne belsendi azamattyq ustanymy úshin beriletin erekshelik belgisi. «El úmiti medali» erekshelik belgisin alýǵa 14 jastan 35 jasqa deıingi balalar men jastar usynylady», - dep jazylǵan Úkimet qaýlysynyń jobasynda.

Eske salaıyq, qoldanystaǵy zańnamada bul medal joq. Sonymen qatar, buǵan deıin onyń ornyna berilip kelgen erekshelik belgisine tek 29 jasqa tolmaǵan qazaqstandyqtar usynylatyn. Atalǵan nagradany Oqý-aǵartý mınıstrligi tabystamaq.

Qujat 2 mamyrǵa deıin kópshilik talqylaýda bolady.

Qosa ketsek, bıyldan bastap «Daryn» jáne Prezıdenttik ádebı syılyqqa 35 jasqa deıingi azamattar ótinish bere alady.

Eske salaıyq, byltyr 8 jeltoqsanda Senat 35 jasqa deıingilerdi «jastar» sanatyna engizý týraly zań jobasyn maquldaǵan edi.