Patrık Tvýması Ispanııa klýbyna aýysty

ASTANA. QazAqparat - «Astana» fýtbol klýbynyń jartylaı qorǵaýshysy Patrık Tvýması jańa maýsymda Ispanııa chempıonatynda óner kórsetedi, dep habarlaıdy QazAqparat tilshisi klýbtyń baspasóz qyzmetine silteme jasap.

«Alaves» (Ispanııa) fýtbol klýby «Astana» komandasymen elorda komandasynyń shabýylshysy Patrık Tvýmasıdi qataryna qosý týraly kelisimge keldi. Patrık medıtsınalyq tekseristen sátti ótip, jaqyn ýaqytta La Lıgada óner kórsetý úshin jańa komandasynyń tizimine qosylady»,  - delingen habarlamada.

Tvýması «Alavespen» 4 jyldyq kelisimshartqa qol qoıǵan. Fýtbolshynyń qazaqstandyq komandamen kelisimsharty bolǵandyqtan, «Alaves» «Astanaǵa» ótemaqy tóleıdi. Alaıda, ıspanııalyq komanda ótinishi boıynsha ótemaqy mólsheri jarııalanbaıdy.