Patrıarh Kırıll Qazaqstannyń jańa elordasyna tandanysyn jasyrmady
ALMATY. Qańtardyń 18-i. QazAqparat /Elena Ilınskaıa/ - Qazaqstandaǵy beıbit qatar ómir súrý men ultaralyq kelisimniń úlgisi men tájirıbesi qandaı oń saıası jáne ekonomıkalyq jetistikterge ákeletinin kórsetip otyr.
Bul týraly búgin Almatyda Qazaqstan Prezıdenti Nursultan Nazarbaevpen bolǵan kezdesýde Máskeý jáne Búkil Rýs Patrıarhy Kırıll málim etti.
Orys pravoslav shirkeýiniń basshysy sondaı-aq, postkeńestik keńistiktegi yqpaldastyq úderisterdi qoldaý bastamalaryndaǵy Qazaqstan basshysynyń mańyzdy rólin atap kórsetti. Ol aımaqta jáne álem boıynsha tynyshtyq pen turaqtylyqty nyǵaıtý saıasatynda Reseı men Qazaqstannyń ortaq jaqtary kóp ekenin aıtyp ótti.
Sondaı-aq, Patrıarhtyń aıtýynsha, Qazaqstannyń jańa elodasy -Astana ony tańǵaldyrǵan. «Saıyn dala tósinde osyndaı tamasha nysandary, úıleri, zamanaýı ınfraqurylymdary bar jáne mádenıeti joǵary adamdar turatyn qalanyń paıda bolýy - shyn máninde tamasha jetistik, elordada jańa pravoslav hramynyń paıda bolýy Qazaqstannyń pravoslavtarǵa degen izgi kózqarasyn bildiredi», dep atap kórsetti Orys Pravoslav shirkeýiniń basshysy óz sózinde.
Máskeý jáne Búkil Rýs Patrıarhynyń Qazaqstanǵa sapary Elbasynyń shaqyrýy boıynsha ótip jatqanyn budan buryn habarlaǵan bolatynbyz. Orys pravoslav shirkeýiniń basshysy sapar barysynda Astana jáne Almaty qalalarynda boldy.
