Patologoanatom Almaty haıýanattar baǵyndaǵy sileýsinniń qandaı sebepten ólgendigin jarııalaıtyn boldy
ALMATY. QAZAQPARAT - Ótken aptada Almaty haıýanattar baǵynda oryn alǵan sileýsinniń ólimine baılanysty sebep zerthanalyq zertteýlerden keıin belgili bolatyn boldy.
Haıýanattar baǵy baspasóz qyzmetiniń habarlaýynsha, jyrtqyshty soıý jumysy veterınarııa ǵylymdarynyń kandıdaty, dotsent Máýlanov Amangeldige júktelgen. Aldyn-ala boljamdar boıynsha, sileýsin ókpe qabynýynan ólgen. Alaıda, naqty dıagnoz patologoanatomnyń jumysynan keıin belgili bolady.
Sonymen qatar, haıýanattar baǵy ákimshiliginiń habarlaýynsha, jyrtqyshqa barlyq veterınarlyq normalarǵa sáıkes emder kórsetilgen. Emdeý barysynda antıbıotıkter men dárýmender jáne oksıtetratsılın 20 LA, býtofan, rıboksın, eýfıllın, zoletıl, gallavıt, levotetrasýlfın forte sııaqty dári-dármekter qoldanylǵan.
Ókpe qabynýy mysyq tuqymdastardyń negizgi aýrýy bolyp tabylady.
Almaty haıýanattar baǵynda oryn alatyn ańdar óliminiń sany ruqsat etilgen normadan aspaıdy. Sonymen, 2016 jyldyń 24 maýsymyna haıýanattar baǵyndaǵy ańdar sany 66 basty quraıdy, sonyń ishinde 9 sútqorekti jyrtqyshtar bolsa, 24 tuıaqty janýarlar, al 19-y jyrtqyshtar, 14-i ekzotıkalyq qustar bolyp keledi.
Saraptama nátıjesi eki aptadan keıin daıyn bolady.
