Páterleri órtenip ketken almatylyqtar mektepke ornalastyryldy
ALMATY. QazAqparat - Almatyda Kókjıek shaǵyn aýdanynda páterleri órtengen otbasylar ýaqytsha baspanamen qamtyldy, dep habarlaıdy QazAqparat tilshisi.
Qalalyq TJD habarlaǵandaı, Jetisý aýdandyq ákimdigi japa shekken otbasylardy №177 jalpy bilim beretin orta mektepke ornalastyrdy.
Eske salsaq, 6 qabatty úıde tutanǵan órt 17:44 aýyzdyqtalyp, 18:06-da sóndirilgen bolatyn. Tilsiz jaý 1180 sharshy metr aýmaqty sharpyp, birneshe páterdi, balkondardy, úıdiń shatyryndaǵy mansard qabatyn túgel jaramsyz etti.
Oqıǵa boıynsha arnaıy shtab quryldy. 300 adam, onyń ishinde 52 bala qaýipsiz jerge shyǵaryldy.
