Páterler utysy týraly habarlama jalǵan - mınıstrlik

ASTANA. QazAqparat – Indýstrııa jáne ınfraqurylymdyq damý mınıstrligi «konkýrstyq negizde ótkiziletin páterler utysy» týraly habarlamany joqqa shyǵaryp, alaıaqtardan saq bolýǵa shaqyrady, dep habarlaıdy QazAqparat vedomstvonyń baspasóz qyzmetine silteme jasap.

«Qazaqstan Respýblıkasy Indýstrııa jáne ınfraqurylymdyq damý mınıstrligine «konkýrstyq negizde ótkiziletin páterler utysy» týraly azamattardyń tarapynan qońyraýlar jıi túsip jatyr.

Alaıaqtar ózderin vedomstvo qyzmetkerleri retinde tanystyryp, «mınıstrlik jergilikti atqarýshy organmen birlese otyryp, konkýrstyq negizde páterlerdiń utysyn ótkizetini» týraly aıtyp, turǵyndarǵa habarlasady. Sonymen birge, «memlekettik organǵa qarjylaı bereshegi týraly málimdep, ol ótelgen jaǵdaıda azamat konkýrstyq negizde páter alatyny» týraly jalǵan aqpar beredi.

Mınıstrlik bul aqparatty resmı túrde joqqa shyǵarady. Óıtkeni, turǵyn úı berý máselesi jergilikti atqarýshy organdardyń quzyretine kiredi ári sanattarǵa sáıkes jáne kezekke qoıý kúnine baılanysty bólek tizimdermen júzege asyrylady.

Memlekettik turǵyn úı qorynan turǵyn úı berý boıynsha ózekti aqparat alý úshin Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń Call-ortalyǵyna habarlasý qajet.

Osy rette kúmándi jarnamalarǵa nazar aýdarmaı, arandatýshylyqqa jol bermeýge jáne tek resmı aqparat kózderine senýge shaqyramyz», - delingen resmı habarlamada.