Páterler eki ret satylǵan: Astana prokýratýrasy «Qyran» turǵyn úı keshenine qatysty isti sotqa joldady

ASTANA. KAZINFORM - Sotqa deıingi tergep-tekserý kúdikti tulǵalar qurylys kompanııasynyń qyzmetkerleri bola otyryp, «Qyran» turǵyn úı kesheniniń páterlerin eki ret satý arqyly adal azamattardy aldaǵany anyqtaldy.

Astana qalalyq prokýratýrasynyń derekterine qaraǵanda, qyzmetkerler «International Invest Company IIC» JShS-niń atynan azamattarǵa jyljymaıtyn múlikti satý syltaýymen jyljymaıtyn múlikti satý quqyǵyn rastaıtyn maketter, tehnıkalyq pasporttar men qujattardy kórsetken.

Azamattarǵa páterlerdi, turǵyn emes úı-jaılardy jáne turaq oryndaryn naryqtyq qunynan tómen baǵamen satyp alý usynylǵan.

Satyp alý-satý sharttaryn jasasýdyń ornyna kúdiktiler memlekettik tirkeýge jatpaıtyn brondaý sharttaryn, kepilge berý týraly kelisimderdi, aldyn ala sharttardy resimdegen.

Aldanǵan satyp alýshylar kúdiktilerdiń jeke shottaryna aqshany aýdarý arqyly jáne qolma-qol aqshamen tólem jasaǵan.

Kompanııa qyzmetkerleriniń qylmystyq áreketteriniń nátıjesinde keltirilgen shyǵynnyń mólsheri 8 mlrd teńgeden asty.

Sottyń sanktsııasymen jalpy somasy 7,4 mlrd teńgeni quraıtyn jyljymaıtyn jáne jyljymaly múlikke tyıym salyndy.

-Úsh kúdiktige qatysty «qamaýda ustaý» túrindegi bultartpaý sharasy, tórtinshisine «kepil» qoldanyldy. Qylmystyq is máni boıynsha qaraý úshin sotqa jiberildi,-delingen habarlamada.

Aıta keteıik, byltyr 20,1 mln sharshy metr turǵyn úı paıdalanýǵa berildi.