Páterińizde siz bilmeıtin adamdar tirkeýde tursa ne isteý kerek
ASTANA. QazAqparat - QR ІІM Kóshi-qon qyzmeti komıteti tóraǵasynyń orynbasary Galına Sársenbaeva adamdar sany shamadan tys tirkeletin páterler máselesi boıynsha túsinik berdi, dep habarlaıdy QazAqparat.
«Atap aıtqanda, «elektrondy úı kitapshasy» osyndaı páterlerdi qalaı anyqtaıdy? Memorgandar birlese otyryp, atalǵan elektrondy júıeni qurdy. Jeke azamattardyń memlekettik málimetter bazasynda 18 mıllıon adam qamtylǵan. Búginde bizdiń elektrondy kitapshaǵa 8,7 mıllıon adam endi. Bul jumystar jalǵasyp jatyr, osy oraıda qarashanyń sońyna qaraı ony 11 mıllıonǵa deıin toltyrýdy josparlaýdamyz», - dedi ol Ortalyq kommýnıkatsııalar qyzmetinde.
Aıta keteıik, jaqynda elimizde «elektrondy úı kitapshasy» qoldanysqa endi.
Árbir azamat tirkelgeni týraly málimetterdi, al turǵyn úı ıesi óz mekenjaıynda tirkelgen barlyq adamdar týraly aqparatty HQKO nemese «elektrondy úkimet» veb-portaly arqyly ala alady.
«2011 jyly tirkeý kitapshasynan bas tartqannan keıin, kóbisi baspana alǵan kezde páterde kimder tirkelgenin bilmeıtin. Búginde tıisti múmkindikter arqyly anyqtamany «elektrondy úkimet» portaly nemese HQKO arqyly alýǵa bolady. Turǵyn úıde turmaıtyn beıtanys adamdardyń páterde qalaı tirkelgendigi týraly baspana ıeleri surap jatady. Bul máseleni sheshý úshin halyqqa qyzmet kórsetý ortalyǵy kómegine júgingen jón»,- dedi G. Sársenbaeva.
Osy oraıda, ol kóshi-qon qyzmeti ókilderi men «Azamattarǵa arnalǵan úkimet» korporatsııasy qyzmetkerlerimen birlese olardy tirkeýden shyǵara alatynyn atap ótti.
Belgili bolǵandaı, búginde Astanada adamdar shamadan tys kóp tirkelgen 50-ge tarta páter anyqtalǵan.
Munymen qosa komıtet ókili qaıtys bolǵan jáne baspananyń burynǵy ıelerin tirkeýden shyǵarýǵa qatysty túsinik berdi.
«Bul ózekti másele bolyp tur. Biz ózimiz tarapymyzdan kórsetiletin qyzmetterdi avtomattandyryp jatyrmyz, onyń ishinde tirkeýden shyǵarý sharalary da bar. Sondyqtan azamattardyń atalǵan sanatyn júıe arqyly tirkeýden avtomatty túrde shyǵarý baǵytynda jumys isteýdemiz. Taıaý kúnderi osy máseleniń sheshimi jasalady. ıAǵnı, páter ıesi óziniń úıinde beıtanys bireýdiń tirkeýde turǵanyna jáne bul jaıynda bilmegendiginde eshqandaı kinási joq. Sondyqtan HQKO jáne kóshi-qon qyzmeti ókilderiniń jumystary pysyqtalyp, azamattardyń bul sanatyn tirkeýden shyǵarý tártibi túsindiriledi» - dedi Galına Sársenbaeva.
