Páterin jalǵa bergender múlik ıeleri birlestigi jıyndaryna qashyqtan qatysa alady

NUR-SULTAN. QazAqparat – Páterin jalǵa berip, ózderi basqa qalada turyp jatqan páter ıeleri múlik ıeleri birlestiginiń jıyndaryna elektrondy tsıfrlyq qoltańba (ETsQ) arqyly qashyqtan daýys bere alady, dep habarlaıdy QazAqparat tilshisi.

Ortalyq kommýnıkatsııalar qyzmetinde «Qoǵamdyq qorǵaýshy» úkimettik emes uıymynyń Almaty qalalyq fılıalynyń tóraǵasy Talǵat Muhamedǵalıev osylaı málim etti.

«Múlik ıeleri birlestigi arqyly ortaq kommýnaldyq shyǵyndardy jınaý kórsetkishi 95 paıyzdan 99-ǵa deıin ósip otyr. ıAǵnı, boryshkerler qalmaıdy dep aıtýǵa bolady. Al páterin jaldap, ózderi basqa qalada turyp jatqandarǵa qatysty aıtsaq, «Turǵyn úı qatynasy týraly» zańǵa túzetýler engizilgennen beri ETsQ arqyly qashyqtan daýys berý múmkindigi paıda boldy», - dedi Talǵat Muhamedǵalıev.