Páterin satpaq bolǵan oraldyq 17 mln teńgesinen aıyrylyp qaldy
ORAL. QazAqparat - Alaıaqtarǵa sengen Oral qalasynyń turǵyny 17 mln teńgesinen aıyrylyp qaldy, dep habarlaıdy «QazAqparat» tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, azamatsha úıin satamyn dep áleýmettik jeli arqyly habarlandyrý bergen. Іle-shala beıtanys adamdar sóılesip, páterdi satyp alatynyn aıtady. Áıtse de «Sizdiń esepshotyńyzǵa páter qunynyń aldyn ala azǵantaı mólsherin salǵymyz keledi. Ol úshin sizdiń jeke esepshotyńyz kerek», dep áıeldiń senimine kiredi. Buǵan senip qalǵan áıel eshteńe oılamastan óziniń jeke kýáliginiń, bankiden aqsha alatyn bankomat kartochkasynyń aldyńǵy jáne artqy betterin sýretke túsirip, vatsap jelisi arqyly habarlasqan kisilerge jóneltedi.
Alaıaqtar barlyq derekterdi mobıldi bankterge bekitip, azamatshanyń bankomat kartasyndaǵy pın-kodyn qajet etpeı-aq, esep shotyndaǵy 17 mln teńgeni sheship alǵan.
Bank qyzmetkerleriniń kóńiline kúdik uıalatpaý úshin aqshany araǵa kúnder salyp, birneshe márte alǵan. Sodan keıin bankke barǵanazamatsha esep shotyndaǵy aqshanyń joqtyǵyn bir-aq biledi.
Qazirgi kezde QR QK 190-baby 4-bóligine sáıkes qylmystyq is qozǵalyp, tergeý amaldary júrgizilýde.
Kúdiktiler izdestirilýde, bul isti ashýǵa múmkindik bar.
