Páterin arendaǵa bergen kisi turǵyndardy ýaqytsha tirkeýge mindetti - polıtsııa
Іshki kóship-qonýshylardy tirkeý qaǵıdalaryna sáıkes Qazaqstannyń árbir azamaty turǵylyqty jerinde tirkelýge tıis.
14 jastan bastap azamattar bir mekenjaıda turaqty esepke alynady.
Tirkeýdiń eki túri bar:
- turaqty tirkeý
- azamattyń 1 aıdan astam ýaqyt turatyn jerinde ýaqytsha tirkelýi (oqýy, jumysy, emdelýi, muqtajdarǵa kútim jasaýy jáne basqa).
Eger adamnyń bir mekenjaıda turaqty tirkeýi bar, biraq is júzinde basqa mekenjaıda bir aıdan astam ýaqyt turatyn bolsa, onda ol sol jerge ýaqytsha esepke turýy qajet.
Merzim aıaqtalǵannan keıin ýaqytsha tirkeý avtomatty túrde joıylady, turaqty tirkeý mekenjaıy ózgerissiz qalady.
Bir aıdan astam merzimge ýaqytsha baspana beretin turǵyn úıdiń menshik ıesi sonda turatyn azamatty ýaqytsha tirkeýge mindetti.
Olaı bolmaǵan jaǵdaıda eki tarap ta ákimshilik jaýapqa tartylady: tirkeýsiz adamdar Ákimshilik quqyq buzý kodeksiniń 4 92-baby boıynsha, al úıdiń ıesi osy kodekstiń 493-baby boıynsha.
«Turǵylyqty jeri boıynsha tirkeý» memlekettik qyzmetin halyqqa qyzmet kórsetý ortalyǵynda, sondaı-aq elektrondy úkimet portaly, eGov-mobile, Halyk Homebank mobıldi qosymshasynda alýǵa bolady.
HQO-ǵa júgingen kezde turǵylyqty jeri boıynsha tirkelý úshin mynadaı qujattar qajet:
- jeke basyn kýálandyratyn qujat (týý týraly kýálik, Qazaqstan Respýblıkasy azamatynyń jeke kýáligi).
- turǵyn úı ıesiniń nemese senim bildirilgen adamnyń jeke basyn, turǵyn úı ıesiniń nemese senim bildirilgen adamnyń jeke qatysýyn kýálandyratyn qujat.
Ǵımarattar men úı-jaıǵa tirkeý kezinde uıym ákimshiliginiń tirkeý týraly qoldaýhaty qajet.
Ákimshilik quqyq buzý kodeksiniń 492-babyna sáıkes kúntizbelik on kúnnen bir aıǵa deıin tirkeýsiz turǵany úshin eskertý jasalady, bir aıdan astam merzim tirkeýsiz júrse 7 AEK mólsherinde aıyppul salynady.
