Páterdi jalǵa berýshiler salyqty eki ese az tóleıtin boldy

ASTANA. QazAqparat - Qazaqstanda qabyldanǵan jańa salyq kodeksi páterin jalǵa berýshilerdiń salyǵyn eki esege tómendetip otyr. Endigi kezekte Ulttyq ekonomıka mınıstrligi páterdi jalǵa berýdi zańdy túrde tirkeý protsesin jeńildetýdi kózdeýde, dep habarlaıdy «QazAqparat» HAA tilshisi.

Jańa salyq kodeksi negizinde páterdi zańdy túrde jalǵa berý tıimdi bolmaq. Buryn tabystyń 2 paıyzyn tóleý mindettelip kelse, endi onyń mólsheri eki esege azaıady. ıAǵnı, páterin jalǵa berýshi buryn 60 myń teńgege úıin jalǵa berse, onyń 1200 teńgesin salyq retinde tóleýge mindettelgen. Al jańa salyq kodeksi budan bylaı atalǵan 1200 teńgeni - 600 teńgege qysqartý ózgerisin engizip otyr.

«Salyqtan jaltarý boıynsha... Bul jerde bıýdjet te, mınıstrlik te bir nársesin  joǵaltty deýge kelmeıdi. Bul jerde siz ben bizdiń joǵaltarymyz bar. ıAǵnı, bul - salyq retinde báriniń ortaq aqshasy. Salyqtyń arqasynda qoǵam ómir súredi» - deıdi OKQ-da ótken baspasóz máslıhaty barysynda QR Ulttyq ekonomıka vıtse-mınıstri Rýslan Dálenov.

Vıtse-mınıstr zańdaǵy ózgeristiń jaǵymdy nátıjeleri bolatynyna senim bildirdi.

«Álbette, arada qujat ótkizý, esep berý sekildi sharýalar bar. Bul jumysty memlekettik kirister komıtetimen birge júrgizemiz. ıAǵnı, az aqsha tóleýdi ǵana emes, protsess barysynyń ózin arzandatý kózdelgen. Onda páterin zańdy ótkizip otyrǵan azamattardyń sany azaıar degen senimdemiz. Bári de salyq tóleýge daıyn. «Tek qana qarapaıym tártip bolsa... Kóp aqsha tólemeıtindeı jáne tekserýler men sanktsııalarǵa tap bolmasam boldy dep otyr. Bary osy», - deıdi Rýslan Dálenov.