Páterdi jalǵa berý aqysy 47,2%-ǵa ósti – statıstıka

ASTANA. QazAqparat – Qyrkúıek aıynda turǵyn úıdi jalǵa berý aqysy jyldyq mánde 47,2%-ǵa ósti. Bul týraly Ulttyq statıstıka bıýrosy málim etti, dep habarlaıdy QazAqparat.

Statıstıka bıýrosynyń málimetterine súıensek, ótken aıda turǵyn úıdiń bir sharshy metri úshin jaldaý aqysy – orta eseppen 4 612 teńge boldy, al bir aı buryn ol – 4 029 teńge mólsherinde bolǵan.

Respýblıkalyq deńgeıden baǵa tek Almaty qalasynda joǵary – 5 611 tg/m2. Baspanany jalǵa berý baǵasy, sondaı-aq Astana jáne Aqtaý qalalarynda qymbat, sharshy metrine – tıisinshe 4 485 jáne 3 253 teńgeden.

Jalǵa beriletin turǵyn úıdiń eń tómengi baǵasy Qyzylorda (1 797 tg/m2 ), Taraz (1 809 tt/m2) jáne Jezqazǵan (1 845 tg/m2) qalalarynda tirkelgen.

Turǵyn úıdi jalǵa alý baǵasy bir aıdyń ishinde Qostanaı qalasynda aıtarlyqtaı qymbattady, birden 42,6%-ǵa. Baǵa qarqyndy túrde Petropavl qalasynda da ósti – 27%. Baǵa ósiminiń úshtiginde Qaraǵandy qalasy da bar, onda qyrkúıek aıynda turǵyn úıdi jalǵa alý baǵasy tamyzben salystyrǵanda 21%-ǵa ósti.

Turǵyn úıdi jalǵa alý baǵasy Túrkistan (0,6%), Taldyqorǵan (3,5%), Shymkent (3,9%) jáne Qyzylorda (4,3%) qalalarynda bolmashy mólsherde ósti.