Páterdi ıemdený úshin adam óltirýge qatysty degen kúdiktiler anyqtaldy
ASTANA. 4 sáýir. QazAqparat - Páterdi ıemdený úshin adam óltirý faktisi boıynsha kúdiktiler anyqtaldy. Bul týraly búgin Astanada ótken brıfıngte Іshki ister mınıstrliginiń resmı ókil Nurdildá Oraz málim etti.
«Almatyda polıtsııa qyzmetkerleri aǵymdaǵy jylǵy qańtar aıynda paıdakúnemdik nıetpen 51 jastaǵy jergilikti turǵyndy óltirý qylmysyn ashty. Aǵymdaǵy jylǵy qańtardan bastap ol iz-tússiz joǵalyp, izdestirýde bolǵan. Jedel-izdestirý jáne arnaıy is-sharalar keshenin ótkizý kezinde polıtsııa qyzmetkerleri 23-ten 29 jasqa deıingi úsh jergilikti turǵyndy ustady. Tergeý barysynda qylmyskerler jábirlenýshiniń páterin ıelený maqsatynda ony óltirgeni anyqtaldy»,-dedi resmı ókil.
N. Orazdyń sózine qaraǵanda, jábirlenýshi páterde jalǵyz turǵany jáne spırt ishimdigin asyra paıdalanǵany anyqtalǵan. Kúdiktiler jábirlenýshige araq ishkizip, onyń mas kúıde bolǵanyn paıdalanyp, páterdi belgisiz notarıýs arqyly turǵylyqty turatyn jeri joq adamnyń atyna jazǵyzǵan. Sodan keıin 20 jastaǵy jas jigit jábirlenýshini tunshyqtyryp óltirgen, máıitin avtomashınaǵa salyp, Almaty oblysynyń Terekti aýylynyń janyna aparyp órtegen.
«Aǵymdaǵy jylǵy aqpan aıynda qylmysty uıymdastyrǵan 24 jastaǵy adam jábirlenýshiniń úıinen zattardy shyǵaryp, qujattardy Almaty qalasynyń Tehnıkalyq túgendeý bıýrosyna qaıta resimdeý úshin tapsyrǵan. Ustalǵandardyń oqıǵa bolǵan jerde bergen jaýaptaryn tekserý kezinde, máıittiń qaldyqtary tabyldy»,-dedi ol.
Qazirgi ýaqytta kisi óltirgen adamdy jáne onyń sybaılastaryn anyqtaýǵa jáne ustaýǵa baǵyttalǵan jedel-izdestirý is-sharalary júrgizilýde.
