Páterde jınalǵan qoqys zeınetkerdiń ólimine sebep boldy
ASTANA. QazAqparat - Óskemendik zeınetker jyldar boıy jınalǵan qoqystyń tútininen ys tıip kóz jumdy, dep habarlaıdy QazAqparat tilshisi.
Qalalyq tótenshe jaǵdaılar basqarmasynyń málimetine qaraǵanda, órt Protazanov kóshesindegi 5 qabatty úıdiń ekinshi qabatynda bolǵan.
81 jasar keıýananyń páterinde jyldar boıy jınalǵan qoqys tutanyp, ıesi ystan kóz jumdy. Órt sóndirýshiler qyzyl jalynmen bir saǵat boıy arpalysty.
Órttiń tutanýyna úı ıesiniń órt qaýipsizdigi erejelerin saqtamaýy sebep bolǵan degen boljam aıtylýda.
