Páteraqynyń qymbattaýy ýaqytsha qubylys - Lázzat Ibragımova
Mundaı pikirdi ol ortalyq kommýnıkatsııalar qyzmetinde ótken brıfıngide aıtty.
BAQ ókili el boıynsha páteraqynyń qymbbattap jatqanyn eske salyp, turǵyn úı jaldaý sýbsıdııasynyń mólsherin qaıta qaraý kerek shyǵar degen suraq qoıdy.
«Tarıfter QR Indýstrııa jáne ınfraqurylymdyq damý mınıstriniń buıryǵymen bekitiledi. Olar ár aımaqta ár túrli. Arnaıy keste bar. Meniń oıymsha, biz bastan ótkerip jatqan páteraqynyń ósý qubylysyn kem degende bir jarym aı boıy baqylaý kerek. Bul ýaqytsha qubylys dep oılaımyn. Keıin bári burynǵy deńgeıge oralady», -dedi Lıazzat Ibragımova.
Sondaı-aq ol baspana jalǵa berýshilerdiń sýbsıdıaı alatyn sanatpen baspana jaldaý shartyn resmı jasasýdan bas tartýy jıi kezdesetinin aıtty. Sonyń saldarynan sýbsıdııa alýǵa quqyq azamattardyń kóbi bul múmkindikti paıdalanýǵa qulyqsyz kórinedi.
«Biz óz platformamyzda turǵyn úı jaldaý sýbsıdııasyn alýǵa quqyǵy bar tórt sanatty belgiledik. Olar birinshi jáne ekinshi toptaǵy múgedekter, jetim balalar, kóp balaly otbasylar jáne múgedektigi bar balalardy tárbıelep otyrǵan otbasylar. Olardyń sany óte kóp. 61 myń jetim bala, 21,4 myń múgedek bala tárbıelep otyrǵan otbasy, 51 myń múgedektigi bar eresek adam, 91 myń kópbalaly otbasy bar. Biraq tek 25 myńǵa jýyq ótinish tústi. Onyń 8 myńǵa jýyǵyn maquldadyq», - dedi bank basshysy.
Foto:ortcom.kz
