Páter jaldaıtyndardy ýaqytsha tirkeýge alsam, qosymsha salyq tóleımin be dep qorqamyn - Astana turǵyny
ASTANA. QazAqparat - Búginde keıbir astanalyqtar óz páterlerin, bolmasa, úıdiń bólmelerin jalǵa berip otyrǵan azamattardy ýaqytsha tirkeýge alýǵa asyqpaıdy. Sebebi odan keıin qosymsha salyq pen kommýnaldyq tólemderdi tóleýge týra keledi dep oılaıdy. Osyǵan baılanysty bireýler páter jaldaıtyndarǵa óz týystarynyń úıine ýaqytsha tirkelýdi surasa, endi bireýler jalǵa berip otyrǵan bólmelerin múldem bosatýdy kózdeıdi, dep xabarlaıdy QazAqparat tilshisi.
«Iá, xalyq arasynda sondaı bir sybys tarap júr. Páter jaldap otyrǵan azattamattardy da ýaqytsha tirkeýge alsa, úıdiń salyǵyn, tipti kommýnaldyq tólemderdiń mólsheri de ósedi deıdi. Ózim naqtysyn bilmedim. Biraq jalǵa berip otyrǵan eki bólmem bar. Qazir úıdegilermen aqyldasyp jatyrmyz. Bálkim, eki bólmeni de bosatyp, jalǵa berýdi múldem doǵaratyn shyǵarmyz. Biraq odan keıin ıpotekanyń aqshasyn qalaı shyǵaratynymyzdy bilmeı otyrmyz», - deıdi Darııa esimdi Astana qalasynyń turǵyny.
Eýrazııa ulttyq ýnıversıtetiniń «pasport ústelinde» isteıtin Maıra Musabekova da keıbir astanalyqtardyń páterdi jalǵa berip jatqan azamattardy ýaqytsha tirkeýge almaı otyrǵanyn rastap otyr. «Búgin ǵana maǵan bir qyzmetkerimiz kelip ketti. Ózi jaldamaly úıde turady. Iesi ýaqytsha tirkeýge alǵysy kelmeı, jumys isteıtin ýnıversıtetke baryp tirkelip kel depti», - deıdi M.Musabekova.
Al elordada páter jaldap júrgen Azamat esimdi jas jigittiń aıtýynsha, úıdiń ıesi odan týǵan-týystarynyń úıinde ýaqytsha tirkeýge turýdy ótingen.
