Páter urylarynan qalaı qorǵaný kerek
ASTANA. KAZINFORM – ІІM páter urlyǵynyń aldyn alý úshin qarapaıym qaýipsizdik sharalaryn saqtaý asa mańyzdy ekenin habarlady.
Tájirıbe kórsetkendeı, qaskóıler kóbine ıeleri uzaq ýaqyt úıde bolmaıtyn, qaýipsizdik deńgeıi tómen páterlerdi nysanaǵa alady. Olar esik-terezeniń osal tustaryn, turǵyndardyń beıqamdyǵyn nemese sengishtigin paıdalanyp, túrli aılaǵa barady.
Osyǵan baılanysty árbir azamat jeke múlkiniń qaýipsizdigine beıjaı qaramaı, aldyn alý sharalaryn turaqty túrde saqtaýy qajet.
Este saqtańyz:
- Úıden shyǵarda esik pen terezelerdiń tolyq jabylǵanyna kóz jetkizińiz;
- Senimdi qulyptar men qosymsha qaýipsizdik júıelerin (beınebaqylaý, dabyl júıesi) ornatqan jón;
- Úıden uzaq ýaqytqa keter kezde kórshińizge eskertken abzal;
- Beıtanys adamdarǵa esik ashqanda saq bolyńyz, olardyń qyzmettik kýáligin tekserińiz;
- Áleýmettik jelilerde ózińizdiń úıde joq ekenińizdi aıtpańyz.
Qarapaıym erejeni saqtaý – páter urlyǵynyń aldyn alýdyń eń tıimdi joldarynyń biri. Árbir turǵynnyń qyraǵylyǵy men jaýapkershiligi óz múlkin ǵana emes, jalpy qoǵamdyq qaýipsizdikti qamtamasyz etýge de yqpal etedi.
Buǵan deıin Ulytaý oblysynda seıf urlaǵandar ustalǵanyn jazǵan edik.
Túıe urlaǵan Aral turǵyny 5 jylǵa sottaldy.
