Páter tonaýymen aınalysqan urylar toby quryqtaldy - QR ІІM
ASTANA. 26 qańtar. QazAqparat /Arman Asqarov/ - Aqtóbe qalasynda páter tonaýmen aınalysqan urylar toby quryqtaldy. Bul týraly búgin elordadaǵy baspasóz máslıhatynda QR Іshki ister mınıstrliginiń resmı ókili Qýanyshbek Jumanov málim etti.
Onyń habarlaýynsha, Soltústik Qazaqstan, Aqmola jáne Aqtóbe oblystarynyń 20-25 jas aralyǵyndaǵy 5 turǵyny qylmystyq top qurap, osy ýaqytqa deıin esikti buzý arqyly páter tonaýmen aınalysyp kelgen. Ótken aptada atalǵan urylar toby quryqtaldy. Olardyń ishinde Astana jáne Aqtóbe qalalaryndaǵy kolledjderdiń eki stýdenti de bar. «Qazirgi kezde olardyń 9 páterdi tonaǵandary anyqtalyp otyr. Sonymen qatar qylmyskerlerdiń osyǵan uqsas ashylmaǵan qylmystarǵa qatystylyǵy tekserilýde», - deıdi Q.Jumanov.
