Páter tonaýshy 22 jastaǵy qyzǵa qatysty polıtsııa túsinik berdi
«Qurmetti turǵyndar, bul qyzdyń esimi Qulmaǵambetova Damıra, 22 jasta. Kásibı páter tonaýshy. Qulypty kiltterdi tańdaý arqyly jáne basqa da joldarmen ashyp alady... Janynda kólik mingen orta boıly, aqquba jigit bolýy múmkin. Qyraǵy bolyńyzdar, úıdiń kireberisine kirgizbeńizder», - delingen edi qyzdyń fotosy qosa berilgen habarlamada.
Abaı oblystyq Polıtsııa departamentiniń krımınaldyq polıtsııa basqarmasy atalǵan aqparatqa tekserý júrgizip, onyń jalǵan ekenin anyqtady.
«Atalǵan azamatsha osyǵan deıin ákimshilik jáne qylmystyq jaýapkershilikke tartylmaǵan.
QR Qylmystyq kodeksiniń 274-baby 2-bóligine sáıkes buqaralyq aqparat jáne telekommýnıkatsııa jelileri arqyly kórineý jalǵan aqparat taratqany úshin aıyppul nemese 3 jylǵa deıin bas bostandyǵynan aıyr jazasy qarastyrylǵan», - dedi polıtsııadan.
Al Damıra Qulmaǵambetova mundaı aqparattyń taralýyna ápkesin kinálap otyr. Sózinshe, balalarmen jumys isteıtin pedagogtiń mundaı qadamǵa nelikten barǵanyn quzyrly mekemeler anyqtaıtyn bolady.
