Páter tonaýdy kásip etken eki kókshetaýlyq Petropavlda ustalyp, sottaldy
Soltústik Qazaqstan oblysy polıtsııa departamenti baspasóz qyzmetiniń málimetinshe, ustalǵan Kókshetaý qalasynyń 34 jáne 25 jastaǵy eki turǵyny buryn da birneshe ret isti bolǵan. Ekeýi de SQO týmasy, Petropavlǵa ótken jyldyń aıaǵynda páterlerdi tonaý úshin kelgen. Oılaryn iske asyrý úshin podezderge kirip, úı ıeleriniń ishte bar-joǵyn anyqtaý úshin páterlerge qońyraý shalyp teksergen. Úıde eshkim bolmaǵan jaǵdaıda esiktiń qulpyn buzyp kirip, tabylǵan qundy zattardy qoldy etken. Olar aqsha men altyn buıymdardy alyp ketip otyrǵan. Alaıda urlanǵan zattardyń arasynan áıelderdiń átiri men qulaqqap ta bolǵan.
4 aqpan kúni izdeýde júrgen urylardy Petropavldyń Sátbaev kóshesindegi úılerdiń biriniń mańynan qalalyq polıtsııa basqarmasy krımınaldyq polıtsııa bólimi bastyǵynyń orynbasary Jasulan Baldıkov kórip qalǵan.
Polıtsııa kapıtany áriptesterine habarlap, kómek shaqyryp, ózi qylmyskerlerge jaqyndap, polıtsııa bólimine barýdy usynady. Alaıda olar kúsh qoldanyp izin sýytpaq bolǵan. Kómekke jetken polıtseıler urylardy qolǵa túsirdi.
Keıin ekeýdiń Sátbaev kóshesindegi úı páterleriniń birin tonaǵany anyqtaldy. Olar quny 600 myń teńgeden asatyn zattardy urlap, qylmystyq áreketterin jalǵastyrý úshin jańa páter izdegen.
«Olardan páterden urlanǵan qundy zattar tárkilendi. Qylmystyq quqyq buzýshylyqtardyń jıyntyǵy boıynsha sot árqaısysyn 5 jylǵa bas bostandyǵynan aıyrý jazasyna kesti. ıAǵnı 34 jastaǵy qylmysker esikterdi buzyp, birneshe páterdi tonaǵany úshin jáne 25 jastaǵy jigitti urlyqqa qatysqany jáne bılik ókiline kúsh kórsetkeni úshin sottady», - deıdi Petropavl qalalyq polıtsııa basqarmasy bastyǵynyń orynbasary Álnur Ahmedıarov.