Páter tonaý qylmysy azaıyp keledi - QR ІІM

NUR-SULTAN. QazAqparat – El aýmaǵynda páter tonaý qylmystary azaıyp keledi. Bul týraly QR Іshki ister mınıstrligi Krımınaldyq polıtsııa departamenti úshinshi basqarmasynyń aǵa jedel ýákili Saǵyndyq Jantemirov málim etti, dep habarlaıdy QazAqparat tilshisi.

«Qabyldanǵan sharalar nátıjesinde sońǵy 5 jylda páter tonaý qylmystary 33,4 paıyzǵa azaıdy. Eger 2017 jyly 37 myńnan astam qylmysty tirkelse, 2021 jyly 12 myń shamasynda boldy», - dedi S. Jantemirov onlaın brıfıngide.

Onyń sózine qaraǵanda, bıyl da atalǵan qylmystardyń azaıýy baıqalyp otyr, ıaǵnı 4,4 paıyzǵa tómendegen. Sonymen qatar, páter tonaý qylmystarynyń ashylý deńgeıi 5,6 paıyzǵa jaqsarǵan.

«Bótenniń múlkin urlaýdy kásip etkender páterge buzyp kirý tásilderin únemi jetildirip otyrady. Olar zamanaýı tehnıkany, mobıldi baılanysty, arnaıy quraldardy paıdalanady. Kóp jaǵdaıda páter tonaý qylmystary kúndiz jasalady, ıaǵnı osy kezde úı turǵyndary jumysta nemese oqýda bolatyny belgili», - dedi vedomstvo ókili.

Budan buryn habarlanǵandaı, jyl basynan beri el aýmaǵynda eki myńnan astam páter urysy ustaldy.