Patent quqyǵy týraly shart qabyldandy - Parlament
ANA. 31 naýryz. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Patent quqyǵy týraly shartty ratıfıkatsııalaý týraly» QR zańyn qabyldady.
Patent quqyǵy týraly shartty 2000 jyly 1 maýsymda konsensýs arqyly 140-tan astam táýelsiz memleketterdiń qatysýymen Dúıejúzilik zııatkerlik menshik uıymynyń aıasynda qurylǵan Dıplomatııalyq konferentsııa qabyldaǵan bolatyn. Bul 2006 jyldan bastap kúshine enip keledi. Sondaı-aq, qujattyń erejeleri 1970 jylǵy 19 maýsymdaǵy Patenttik korporatsııa týraly shartqa tyǵyz baılanysty. Al Qazaqstan buǵan 1993 jylǵy 5 aqpanda qosylǵan bolatyn.
«Qazirgi ǵylymı-tehnıkalyq jańalyqtar kúndelikti turmysymyzǵa enip jatqan ýaqytta qoldanysta keńirek paıdalanylyp jatqan zııatkerlik menshik salasyndaǵy úderisterdiń mańyzy kún saıyn artyp keledi. Halyqaralyq patentteý salasyn qorǵaý jáne ony ary qaraı jetildirý eń aldymen álemde bar úzdik tehnologııalardy qoldaý bolyp tabylady. Bul úshin ár memleket zııatkerlik menshikti qorǵaýdy qamtamasyz etýleri qajet. Osy rette Patent quqyǵy týraly shartty ratıfıkatsııalaý - basqa memleketter qosylǵan halyqaralyq sharttardy qabyldaı otyryp, sheteldik ónertapqyshtardyń aldynda tıisti mindettemeler alyp, bizdiń ónertabystarymyzdy shet elderde qorǵaýdy qamtamasyz etý bolyp tabylady», - dedi zań jobasy boıynsha baıandaǵan Ádilet mınıstriniń orynbasary Ámirhan Amanbaev. Atalǵan shartqa qosylý birqatar artyqshylyqtar beredi. Atap aıtqanda, usynylatyn qujattarǵa qoıylatyn formaldyq talaptardy birdeılendirý men ońaılatý, qujattardy rásimdeý kezinde qate jiberý jaǵdaıyn azaıtý, patent quqyǵyn joǵaltý jaǵdaılaryn tómendetý, elektrondyq ótinim berý múmkindigin qamtý sharalary júzege asady.
Parlament qabyldaǵan zań Memleket basshysynyń qol qoıýyna jiberiledi.
