Patent alýǵa ótinish bergen ónertapqyshtar sany 4,4% ósti

ASTANA. QazAqparat – Qazaqstandyq ǵalymdar men ónertapqyshtar arasynda eńbegin patentteýge nıet bildirgender qatary artyp keledi, dep habarlaıdy QazAqparat tilshisi.

«Patenttik belsendilikti taldaý Ulttyq zııatkerlik menshik ınstıtýtynyń resmı aqparaty negizinde júrgizildi. Zııatkerlik menshik salasyndaǵy qyzmetti sandyq baǵalaý úshin jıi qoldanylatyn ótinimder týraly málimetterge nazar aýdarylady. Jalpy respýblıka boıynsha 2021 jyly patenttik belsendilik 4,4%-ǵa ósti jáne onyń aldyndaǵy jylmen salystyrǵanda 1,7 paıyzdyq tarmaqqa ósti. Ótinimderdiń negizgi úlesi, ıaǵnı 84,8 paıyzy taýar belgilerine tıesili», - delingen QazAqparat tilshisiniń saýalyna oraı berilgen Ǵylym jáne bilim mınıstrliginiń jaýabynda.

Aıta keteıik, elimizde patentti Ádilet mınıstrliginiń Ulttyq zııatkerlik menshik ınstıtýty (UZMI) tirkeıdi.

Sonymen qatar mınıstrlik keıingi eki jylda qazaqstandyq ǵalymdar oılap tapqan jańalyqtarmen de bólisti.