Pasportty onlaın jańartý qashan iske qosylady
ASTANA.KAZINFORM – Qazaqstandyqtar úshin pasportty onlaın qaıta rásimdeý qyzmeti qashan qoljetimdi bolatynyn Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın aıtty.
– Bıyl josparlanbaıdy dep naqty aıta almaımyn. Bul qyzmetti iske qosýǵa shynymen múmkindigimiz bar ekenine kóz jetkizsek, bıyl-aq iske qosýymyz múmkin. Bul jeke kýálikti qaıta rásimdeý boıynsha pılottyq jobaǵa baılanysty, – dedi Rostıslav Konıashkın brıfıngide.
Qazirgi ýaqytta vedomstvo jeke kýálikti onlaın qaıta rásimdeý qyzmetin pılottyq rejımde synaqtan ótkizip jatyr. Alǵashqy kezeńde bul servıs qujattyń jaramdylyq merzimi aıaqtalǵan jaǵdaıda qoljetimdi.
– Biz bul qyzmetti tolyq jetildirip, minsiz deńgeıge jetkizgennen keıin ǵana qujattardyń basqa túrlerine qatysty múmkindikterdi qarastyramyz dep sheshtik. Onyń ishinde pasporttardy onlaın qaıta rásimdeý jáne jeke kýálikti basqa da sebepter boıynsha qaıta shyǵarý múmkindigi qarastyrylady. Qazir qyzmet tek qujattyń jaramdylyq merzimi aıaqtalǵan jaǵdaıda qoljetimdi. Keıin qujat joǵalǵan kezde, tegin ózgertken jaǵdaıda jáne basqa da jaǵdaılarda qaıta rásimdeý múmkindigi qarastyrylýy yqtımal, – dep túsindirdi vıtse-mınıstr.
Aıta keteıik, HQKO-ǵa júginýdiń 79 paıyzyn quraıtyn 10 qyzmet onlaın formatqa kóshirildi.
