Pasport pen jeke kýálikke tapsyrys beretin taǵy 26 termınal ornatylady
2024 jyly respýblıka boıynsha pasportqa nemese kýálikke tapsyrys beretin 26 termınal ornatylady. Bul týraly Úkimet otyrysynda «Azamattarǵa arnalǵan úkimet» memlekettik korporatsııasynyń tóraǵasy Arman Kenjeǵalıev aıtty, dep habarlaıdy Kazinform.
«Protsesterdi tsıfrlandyrý jobalaryna toqtalsam, birinshi joba — qujattandyrý termınaldary. Olar arqyly pasportqa nemese kýálikke 5-10 mınýt ishinde tapsyrys berýge bolady. Bıometrııa jáne QR tólemi servısi qoldanylady. 9 aı ishinde Astana men Almatydaǵy 12 termınal arqyly 11,5 myńnan astam ótinish qabyldanǵan. Kelesi jyly respýblıka boıynsha taǵy 26 termınal ornatamyz», — dedi ol.
Korporatsııa tóraǵasy ekinshi joba retinde qaǵaz aınalymyn barynsha azaıtýdy atady.
Onyń aıtýynsha, barlyq qyzmetten soń qolhat berý toqtatyldy. Qolhattar men 78 qyzmet boıynsha ótinishter elektrondy formatqa kóshken.
49 qyzmet boıynsha nátıjeni SMS-pen, ıaǵnı ortalyqqa barmaı-aq alýǵa bolady. Bul baǵytta jumys jalǵasady.
«Úshinshi joba — 24/7 postamaty. Postamat arqyly qyzmettiń nátıjesin táýlik boıy alýǵa bolady. Astana qalasynda pılottyq postamat ornatylyp, ol arqyly 1 734 qujat berildi. Jyldyń sońyna deıin 9 óńirde taǵy 14 postamat ornatý josparlanyp otyr», — dedi Arman Kenjeǵalıev.
