Pasport pen jeke kýálik 2 kúnde beriledi - QR ІІM
ASTANA. QazAqparat - Qazaqstanda 1 sáýirden bastap, pasport pen jeke kýálik 2-4 kúnde beriletin bolady. Bul týraly búgin QR Іshki ister mınıstriniń orynbasary Erlan Turǵymbaev málim etti.
«Qazaqstanda 1 sáýirden bastap, Astana, Almaty, Aqtóbe, Shymkent qalalarynda qujat shyǵarý ortalyqtary bolǵandyqtan, qujat daıyndaý merzimi 2 jumys kúnin quraıtyn bolady. Oblys ortalyqtarynda 4 kún ishinde berile bastaıdy», - dep atap ótti E.Turǵymbaev QR ІІM-de ótken baspasóz máslıhatynda.
Onyń sózine qaraǵanda, azamattarǵa pasport pen jeke kýálikti berý ýaqytyn qysqartý maqsatynda Aqtóbe jáne Shymkent qalalarynda qujat daıyndaý ortalyqtary ashylǵan.
