Pashınıan Toqaevty Quryltaı saılaýymen quttyqtady
ASTANA. KAZINFORM — Memleket basshysy Armenııa Premer-mınıstri Nıkol Pashınıanmen telefon arqyly sóılesti. Bul týraly Aqorda málim etti.
— Armenııa Premer-mınıstri Nıkol Pashınıan Qasym-Jomart Toqaevty bir palataly Quryltaı saılaýynyń tabysty ótýimen quttyqtap, atalǵan oqıǵanyń Qazaqstan úshin tarıhı mańyzy zor ekenin atap ótti. Prezıdent Premer-mınıstrge jyly lebizi jáne halyqaralyq baıqaýshylar mıssııasy quramynda Armenııa ókilderiniń saılaýǵa belsene qatysqany úshin rızashylyǵyn bildirdi, — delingen habarlamada.
Áńgimelesý barysynda birlesken saýda-ekonomıkalyq jáne ınvestıtsııalyq jobalardy júzege asyrýǵa basa nazar aýdarylyp, ekijaqty yntymaqtastyqtyń qazirgi jaı-kúıi men damý perspektıvasy talqylandy.
Aıta keteıik, buǵan deıin memleket basshysy Qasym-Jomart Toqaev Quryltaı saılaýyna quttyqtaý joldaǵan sheteldik kóshbasshylarǵa alǵys aıtqan bolatyn.
