Pashınıan Ázerbaıjanmen 2031 jylǵa deıin beıbitshilik ornatpaq
ASTANA. KAZINFORM — Armenııa premer-mınıstri Nıkol Pashınıan Ázerbaıjanmen beıbitshilik kelisimine qol qoıý jáne ony ratıfıkatsııalaý máselesin 2031 jylǵa deıin sheshýdi maqsat etip qoıǵanyn málimdedi, dep habarlaıdy Kazinform agenttiginiń menshikti tilshisi Armenpress-ke silteme jasap.
Pashınıan 15 qazan kúni úkimet otyrysynda beıbitshilikke qol jetkizý onyń jeke kún tártibindegi basty basymdyqtardyń biri ekenin atap ótti.
Armenııa premer-mınıstriniń aıtýynsha, belgilengen merzim onyń jeke maqsaty ǵana emes, úkimet te, búkil saıası top ta osyny maqsat etip otyr.
— Armenııa Respýblıkasynyń premer-mınıstri retinde men ózimniń jeke kún tártibimde bul máseleni 2031 jylǵa deıin sheshý óte mańyzdy dep sanaımyn, — dedi ol.
Sonymen qatar, Armenııa úkimetiniń basshysy beıbitshilik kelisimine umtylýdan bólek, basqa strategııalyq maqsattar da kóleńkede qalyp qoımaýy kerek. Atap aıtqanda, TRIPP jobasyn iske asyrý, aımaqtyq kommýnıkatsııalardy ashý, ekonomıkalyq damý jáne buryn belgilengen memlekettik baǵdarlamalardy jalǵastyrý máselelerine basa nazar aýdarylýy qajet.
Eske sala keteıik, 2025 jyldyń 8 tamyzynda Vashıngtonda ótken úshjaqty kezdesýden keıin Ázerbaıjan, Armenııa jáne AQSh kóshbasshylary Baký men Erevan arasyndaǵy beıbit retteý týraly birlesken deklaratsııa qabyldady.
Ázerbaıjan, Armenııa jáne AQSh kóshbasshylary Aq úıdegi beıbitshilik sammıtiniń bir jyldyǵyna oraı birlesken málimdeme jasady.
Pashınıan Armenııa men Ázerbaıjanǵa aýmaq aıyrbastaýdy usyndy.
