Pashınıan: Armenııanyń ishki ómirin qurmettemeıtin RF telearnalaryna tyıym salynady
ASTANA. KAZINFORM – Armenııa Premer-mınıstri Nıkol Pashınıan reseılik telearnalar Armenııanyń ishki ómirin qurmettemese, olardyń habar taratýyna tyıym salynatynyn málimdedi. Bul týraly TASS jazdy.
«Qol qoıylǵan sharttarǵa súıene otyryp, biz reseılik arnalardan Armenııa men onyń múddelerine qurmetpen qaraýdy suraımyz. Eki el arasyndaǵy dostyq qarym-qatynasqa baǵalaı otyryp, birneshe ret suraýǵa, sodan keıin birneshe ret talap etýge daıynbyz. Eger jetinshi ret bizdiń talabymyz elenbese, onda bul arnalardyń barlyǵy óshirilip, Armenııada taratylýy toqtatylýy kerek», - dedi ol baspasóz máslıhatynda.
Buǵan deıin QR Syrtqy ister mınıstrliginiń resmı ókili Aıbek Smadııarov Ázerbaıjan men Armenııa arasyndaǵy kelissózderdiń qaı kúni ótetinin málimdegen edi.
