Pashınıan Armenııadaǵy parlament saılaýyna qatyspaq
ASTANA. KAZINFORM — Armenııanyń premer-mınıstri Nıkol Pashınıan kelesi jyldyń jazynda ótetin parlamenttik saılaýǵa qatysý úshin óz kandıdatýrasyn usyndy, dep habarlaıdy Kazinform agenttiginiń menshikti tilshisi.
— Osy hat arqyly men 2026 jylǵy kezekti parlamenttik saılaýda «Azamattyq kelisim» partııasynyń proportsıonaldy tizimine engizilýge óz kandıdattýramdy usynamyn, — dep jazdy Pashınıan áleýmettik jelilerde jarııalaǵan málimdemesinde.
Bekitilgen kestege sáıkes, Armenııadaǵy parlamenttik saılaý 2026 jyldyń 7 maýsymynda ótedi.
Bılik partııasy — «Azamattyq kelisimniń» saılaýaldy shtabynyń basshysy bolyp premer-mınıstr apparatynyń jetekshisi Araık Arýtıýnıan taǵaıyndaldy.
Al buǵan deıin Armenııanyń burynǵy prezıdenti Robert Kocharıan da aldaǵy saılaýǵa qatysý nıetin bildirip, óz komandasynyń 2026 jylǵy saılaý naýqanyna daıyndalyp jatqanyn aıtqan bolatyn.
Buǵan qosa, buǵan deıin premer-mınıstr Nıkol Pashınıannyń Qazaqstanǵa sapar shegýdi josparlap otyrǵany habarlanǵan edi.