Pasha meıramynda Rım Papasy kópshilik aldyna shyqty

VATIKAN. KAZINFORM — Pasha jeksenbisinde Papa Frantsısk dástúrli batasyn berý úshin Vatıkandaǵy Áýlıe Petr alańyna jınalǵan senýshilerdiń aldyna shyqty, dep habarlaıdy Kazinform agenttiginiń menshikti tilshisi.

Áýlıe Petr alańyna jınalǵan jurt pontıfıkti qoshemetpen qarsy aldy.

— «Habarlamany saltanatty rásim sheberi oqıdy», – dedi Papa Rımdik, ári qaraı sózdi arhıepıskop Dıego Ravellıge berdi.

Pontıfıktiń basty úndeýi – jer betindegi beıbitshilik

— «Bul mereıtoılyq jyly Pasha soǵystaǵy tutqyndar men saıası sebeppen qamaýǵa alynǵan adamdardyń bostandyqqa shyǵýyna sebep bolsyn. Adamgershilik qaǵıdasy – kúndelikti áreketimizdiń irgetasy retinde – eshqashan umyt qalmasyn», – dep málimdedi Papa Frantsısk.

Eske sala keteıik, Rım Papasy buǵan deıin Redjına Koelı túrmesine barǵan bolatyn.

Memleket basshysy barsha hrıstıandy Pasha merekesimen quttyqtady.