«Paryz» baıqaýyna ótinim qabyldaý bastaldy
Sharany uıymdastyrýshylar Eńbek jáne halyqty áleýmettik qorǵaý mınıstrligi, Energetıka mınıstrligi, «Atameken» Ulttyq kásipkerler palatasy men Kásipodaqtar federatsııasy bıznestiń áleýmettik jaýapkershiligi jónindegi konkýrsqa ótinim qabyldaý bastalǵanyn habarlaıdy.
Konkýrs jyl saıyn eki kezeńde - óńirlik jáne respýblıkalyq deńgeıde ótkiziledi. Óńirlik jáne respýblıkalyq kezeńderge qatysý tegin. Konkýrs laýreaty ataǵyna úmitkerler materıaldardy rásimdeıdi jáne oblys, respýblıkalyq mańyzy bar qalalar jáne astananyń jergilikti atqarýshy organdaryna qaǵaz jáne elektrondy túrde usynady.
«Paryz» baıqaýy týraly tolyq málimet alý úshin oblystardyń, Nur-Sultan, Almaty jáne Shymkent qalalarynyń Jumyspen qamtýdy úılestirý jáne áleýmettik baǵdarlamalar basqarmasyna nemese Eńbek ınspektsııasy basqarmasyna jáne 8 (7172) 74-35-11 telefony arqyly Eńbek mınıstrliginiń Áleýmettik áriptestik basqarmasyna habarlasýǵa bolady.
