«Partııalyq tizimderden 18 kandıdat shyǵaryldy» - respýblıkalyq basylymdarǵa sholý
***
Keshe Ortalyq saılaý komıssııasynyń tóraǵasy Qýandyq Turǵanqulovtyń tóraǵalyq etýimen Komıssııasynyń otyrysy ótti. Otyrysta buryn tirkelgen partııalyq tizimderden 18 Parlament Májilisi depýtattyǵyna kandıdatty shyǵaryp tastaý jáne 2012 jylǵy 15 qańtarda Jańaózen qalasynda Qazaqstan Respýblıkasy Parlamenti Májilisi men máslıhattary depýtattarynyń saılaýyn ótkizbeý týraly sheshim qabyldandy. Osyǵan oraı «Egemen Qazaqstan» gazetinde «Partııalyq tizimderden 18 kandıdat shyǵaryldy» degen taqyryppen maqala basyldy. Basylymnyń atap ótýinshe, partııalyq tizimderden shyǵarylǵan kandıdattar: «Nur Otan» HDP partııalyq tizimi boıynsha tirkelgen Nurlan Abdýllın, Ashat Akchýrın, Jánııa Áýbákirova; «Aq jol» partııasynan - Erlan Barlybaev, Berik Dúısenbınov, Tileýbek Erǵalıev, Kópesbaı Janpeıisov, Bolat Momyshev; JSDP-dan - Amanjol Dáýkenov, Ótegen Iqsanov, Serik Rahymberlın; «Aýyl» partııasynan - Qasymhan Aqtaev; «Ádilet» partııasynan - Shaızada Bekisheva, Gúlmıra Nııazbekova, Jarylqap Qalybaev; «Patrıottar» partııasynan - Berik Amanbaev, Vladımır Lopatkın. Sonymen qatar Jańaózende saılaýdyń ótkizilmeý sebebin bilgińiz kelse, basylymnyń búgingi sanyn jiberip almańyz.
Jalpyulttyq sotsıal-demokratııalyq partııanyń bir top kóshbasshylary osy kúnderi Ońtústik óńirlerde saılaýshylarmen kezdesýler ótkizip júr. Olar partııanyń saılaýaldy baǵdarlamasymen jurtshylyqty tanystyryp, ári jınalǵandardyń kóptegen suraqtaryna jaýap berýde. Qatarynda Jarmahan Tuıaqbaı, Toqtar Áýbákirov, Baltash Tursymbaev jáne Orazaly Sábden bolǵan bul top Ońtústik Qazaqstan oblysyndaǵy kezdesýlerin Tóle bı aýdanynan bastap ótkizdi. Bul jaıynda «Egemen Qazaqstan» gazetindegi «Partııa ashyq pikir saıysqa daıyn» degen taqyryptaǵy maqalada keńinen baıandalǵan. Sonymen qatar osy basylymnyń búgingi nómirinen basqa da saıası partııalardyń saılaýaldy úgit-nasıhat jumystarymen keńinen tanys bola alasyzdar.
***
«Kazahstanskaıa pravda» gazetiniń jazýynsha, keshe Astanada «Rýhanııat» partııasynyń kezekten tys sezi bolyp ótti. Onyń jumysyna partııanyń oblystyq, qalalyq fılıaldary men ókildikterinen delegattar qatysty. Sezde «Rýhanııat» partııasynyń jańa basshysyn saılaý, partııanyń basshylyq organdarynyń jańartylǵan quramyn jasaqtaý sııaqty máseleler qaraldy. «Rýhanııattyń» negizin qalaýshy A.Jaǵanovanyń aıtýynsha, qalyptasqan jaǵdaı onyń seriktesteri men pikirlesterine jáne búkil partııaǵa kóleńkesin túsirdi. Osyǵan baılanysty, sezge qatysýshylardyń daýys berýi arqyly S.Mámbetalındi laýazymynan bosatý jáne ony atalǵan partııanyń qatarynan shyǵarý jóninde sheshim qabyldandy. Sezd qorytyndysy boıynsha «Rýhanııat» partııasynyń tóraıymy bolyp Altynshash Jaǵanova qaıta saılandy», - dep jazady basylym. Egjeı-tegjeıli basylymnyń búgingi sanyndaǵy «Vozvraşenıe k ıstokam» degen taqyryptan bile alasyzdar.
«Lıter» gazetiniń búgingi nómirinde jaryq kórgen «Programma maksımým» atty maqalada Údemeli ındýstrııalyq-ınnovatsııalyq damý memlekettik baǵdarlamasyn júzege asyrý qorytyndylary týraly baıandalǵan. Basylymnyń atap ótýinshe, atalǵan baǵdarlama aıasynda qolǵa alynǵan jobalardyń 70 paıyzy búginde iske qosylǵan. Jalpy baǵdarlama sheginde 389 ındýstrııalyq bıznes-joba júzege asyrylýda. Barlyq kásiporyndardy iske qosý 90 myń qosymsha jumys oryndaryn qurýǵa múmkindik beredi. Investıtsııanyń tolyq kólemi 1,8 trln. teńgeni quraıdy. 389 jobanyń 300-i qazirgi ýaqytta tolyq qýatyna shyqqan. Al ındýstrııalandyrý kartasy aıasynda jalpy somasy 9,6 trln. teńgeni quraıtyn 609 joba júzege asyrylýda. Bul shamamen 400 myń jumys ornyn qurýǵa múmkindik beredi.
