Partııalyq aktsııa batyrlar kóshelerin retke keltirýge múmkindik beredi

ASTANA. QazAqparat - «Nur Otan» partııasy «Qaharman dańǵyly» aktsııasyn bastady. Onyń aıasynda partııa músheleri elimizdiń barlyq óńirlerinde Ekinshi dúnıejúzilik soǵysqa qatysqan batyrlardyń esimderi berilgen kóshelerdi kógaldandyrý men abattandyrýǵa kiristi, dep habarlaıdy QazAqparat.

«Ardagerlerdi ardaqtaıyq» partııalyq jobasy aıasynda elimizdiń jetekshi saıası kúshi bıyl keshendik is-sharalardy iske qosty. Solardyń ishinde ardagerlerge dástúrli barý, olarǵa arnalǵan kontsertter uıymdastyrý jáne jastarmen kezdesýden bólek, jańa bastamalar bar. Sonyń biri - ardagerlerdiń esimi berilgen kóshelerdi jaqsartyp, aǵashtar otyrǵyzý jáne aýlalardy retke keltirý. Osy kúnderi senbilikke 6000 nurotandyq pen «Jas Otan» jastar qanatynyń músheleri shyǵady.
 

Qazaqstanda soǵys qaharmandarynyń esimi berilgen 1000 kóshe bar. Ardagerlerdiń attarymen atalatany kósheler men dańǵyldardyń eń kóbi Ońtústik Qazaqstan oblysynda, olardyń sany 300-ge jýyq.

Budan bólek, mereke kúnderi nurotandyqtar túrli sebeptermen áskerı jáne memlekettik marapattarǵa ıe bola almaı qalǵan batyrlardyń otbasylaryn aralaıdy. Bul týraly «Nur Otan» partııasy Tóraǵasynyń birinshi orynbasary Máýlen Áshimbaev Facebook-tegi paraqshasynda jazdy.