Partııalardy tirkeý shegin 5 myń adamǵa deıin tómendetý kerek - Toqaev

NUR-SULTAN. QazAqparat – Partııalardy tirkeý shegin 5 myń adamǵa deıin tómendetý kerek. QR Prezıdenti Qasym-Jomart Toqaev Qazaqstan halqyna Joldaýynda osyndaı bastama aıtty, dep habarlaıdy QazAqparat tilshisi.

«Partııalardy tirkeý resimi edáýir jeńildeıdi. Tirkeý shegin 4 esege – 20 myńnan 5 myń adamǵa azaıtqan jón. Óńirlerdegi ókilder sany 600-den 200 adamǵa tómendetiledi. Partııa qurý úshin azamattardyń bastamashyl tobynyń eń tómengi sany úshten birge, ıaǵnı 1000-nan 700 adamǵa azaıady», -dedi Prezıdent.

Onyń aıtýyna qaraǵanda, bul - qabiletti saıası partııalardyń paıda bolýyna múmkindik beretin qadam.

«quryltaı sezin ótkizýge jáne fılıaldardy qurýǵa beriletin ýaqyt kóbeıedi. Bul máselelerdi lıberaldandyrý elimizdegi saıası keńistikti damytý úderisin edáýir jandandyrady. Óz saılaýshylarynyń qordalanǵan problemalaryn saýatty jetkizip, tıimdi sheshýge qabiletti jańa partııalar paıda bolady», - dedi Memleket basshysy.