Partııalar saılaý naýqany kezinde ózderin qalaı kórsetetinderi týraly aıtý qıyn – Andreı Chebotarev
«Barlyq partııa saılaýdyń ótýine daıyn ekenderin aıtady, al shyn máninde qalaı? Mysaly, «Aqjol» partııasyna qatysty aıtar bolsaq, biz olardyń depýtattyq fraktsııasyna ǵana qatysty jumystaryn jáne «Aq jol» partııasynyń parlamenttik Fraktsııasynyń jetekshisi Azat Perýashevtyń suhbattaryn ǵana kórip júrmiz. Ol partııanyń aımaqtyq deńgeıdegi jumystaryn aıtarlyqtaı kórip júrgen joqpyz. Osyndaı sebepterge baılanysty «Nur Otan» partııasynan basqa partııalar saılaý naýqany kezinde ózderin qalaı kórsetetinderi týraly aıtý qıyn. «Aq jol» partııasy kóbinese shaǵyn jáne orta bızneske qatysty máselelerdi kóteredi. Praımerızge ótkender ishinde de ekonomıka men bıznes salasynyń ókilderi bar, sondyqtan bıznes salasyndaǵylar jáne «Aq jol» partııasyna ǵana daýys beredi dep aıtý qıyn.», - deıdi «Alternatıva» ózekti zertteýler ortalyǵynyń jetekshisi Andreı Chebotarev
Onyń aıtýynsha, Kommýnıstik halyqtyq partııasynyń fraktsııasy da, aımaqtyq qurylymy da jaqsy jumys isteýde.
«Kommýnıstik halyqtyq partııasynyń rezonans.kz dep atalatyn medıa jobasy da bar. Jalpy alǵanda kommýnızm sóziniń ózi kúmánshildik týdyrǵanmen, partııanyń ózi áleýmettik sıpattaǵy máselelerdi kóterip júr. «Aýyl» partııasy ekonomıkanyń agrarlyq sektoryna qatysty jumystar atqarýda, biraq ol partııanyń jumystary aımaqtarda qalaı atqarylyp jatqanyn kórip otyrǵan joqpyz. Al «jalpyulttyq sotsıal-demokratııalyq partııa» – elimizdegi jalǵyz oppozıtsııalyq partııa, biraq onyń atqaryp jatqan jumystary da asa bilinip jatqan joq. partııalardyń saılaýǵa daıyndyǵy osyndaı deńgeıde», - deıdi ol.
Sharany Nursultan Nazarbaev Qorynyń janyndaǵy Álemdik ekonomıka jáne saıasat ınstıtýty uıymdastyrdy.
Eske sala ketsek, 21 qazanda Qasym-Jomart Toqaev QR Parlamenti Májilisi men máslıhattar depýtattarynyń saılaýyn 2021 jyldyń 10 qańtaryna taǵaıyndaý týraly úndeý jasaǵan bolatyn. Saılaýy qarsańyndaǵy jańa aqparattyq jáne saıası jaǵdaı jan-jaqty saraptamalyq talqylaýdy talap etedi.
