Partııalar pikirsaıysy: komandalyq teledebattyń ekinshi kezeńi aıaqtaldy
ASTANA. KAZINFORM – Jibek Joly telearnasynyń tikeleı efırinde ótip jatqan saılaýaldy teledebattyń ekinshi kezeńi máresine jetti. Bul raýndta jeti partııa kórermen men BAQ ókilderi joldaǵan suraqtarǵa jaýap berdi.
Barlyq saýal «Zań men tártip – Ádiletti Qazaqstannyń negizi» taqyrybyn qamtydy. Saıası partııa ókilderine eki suraqtan qoıylyp, jaýap berýge 1,5 mınýt ýaqyt bólindi. Spıkerler belgilengen ýaqyt sheńberinde qoıylǵan saýaldarǵa naqty ári mazmundy jaýap qaıtarýǵa tyrysty.
Debat qatysýshylaryna alǵashqy saýal legin «Jibek Joly» jáne «Silk Way» telearnalary jáne «Kazinform» halyqaralyq aqparat agenttiginiń jýrnalısteri qoıdy. Partııa ókilderi saýal aıasynda zań ústemdigi, alıment tólemi, aqshalaı kepil arqyly bostandyqqa shyǵý, jalǵan aqparat taratý, vandalızm, ekonomıkalyq baǵdar sekildi ózekti taqyryptarǵa qatysty pikir bildirdi.
Partııa ókilderine kelesi saýaldar kórermennen kelgen. Halyq WhatsApp áleýmettik jelisi arqyly qatysýshylarǵa kókeıdegi saýalyn qoıýǵa múmkindik aldy.
Respublica partııasy – lýdomanııamen kúres sheshimderi týraly oılarymen bólisti;
«Ádilet» partııasy – aıyppuldardyń tıimdiligi týraly aıtty;
«Aýyl» partııasy – zań ústemdigin nyǵaıtý joly boıynsha pikir bildirdi;
Qazaqstan Halyq partııasy – quqyq qorǵaý organdaryna degen halyq senimin kóterý kerektigine nazar aýdardy;
JSDP – Májilistegi belsendilik máselesin qozǵady;
«Baıtaq» partııasy – jol qaýipsizdigi týraly pikirin ortaǵa saldy;
«Aq jol» partııasyna – kásipkerler múddesin qorǵaýǵa qatysy saýaldarǵa jaýap berdi.
Aıta keteıik, Jibek Joly telearnasynda Quryltaı saılaýyna qatysatyn jeti saıası partııanyń ókilderiniń komandalyq televızııalyq debaty bastaldy.
Buǵan deıin teledebattyń birinshi kezeńi týraly jazdyq.
