Partııalar básekelestik ortada jumys isteı alady - Murat Baqtııaruly
«Partııa qurýǵa nıetti belsendi azamattar partııany tirkeýge múmkin alady. Ekinshiden, saılaýǵa qatysty zańǵa ózgertýler engiziledi. Al Prezıdenttiń quzyretine toqtalsaq, Memleket basshysy óziniń ókilettiginiń birazynan bas tartty. Onyń ishinde Prezıdent óziniń ókilettigin atqarý kezeńinde partııaǵa músheligin toqtata turýǵa mindetti ekenin zań júzinde resimdeýdi usyndy. Bul úlken másele dep bilemin, kóptegen memleketterde bul qadamdar eskerilgen. Memleket basshysynyń partııadan tys bolýy partııalyq alańda básekelestikti damytýǵa múmkindik beredi. Osyǵan deıin Prezıdent partııanyń tóraǵasy bolsa, ákimder jergilikti jerlerdegi fılıaldardyń tóraǵasy. Saıası júıede monopolızm oryn alǵan edi. Endi kez kelgen partııa básekelestik ortada jumys isteı alady», - dedi M. Baqtııaruly tilshiler saýalyna jaýpa bere otyryp.
Sonymen qatar senator, Joldaýda qamtylǵan proportsıonaldy-majorıtarly úlgide saılaýshylar múddesiniń ulttyq jáne óńirlik deńgeıde kórinis tabýyna pikir bildirdi. Májilistiń depýtattyq korpýsynyń 70 paıyzy proportsıonaldyq, 30 paıyzy majorıtarlyq tásilmen jasaqtalatyn bolady.
Depýtattyń paıymynsha, bul óz kezeginde jaqsy úrdis bolady.
«Qoǵamda Senatqa baılanysty túrli pikir bar. Prezıdent osy kezeńde Senattyń qajet ekenin, óziniń rólin atqaryp kele jatqanyn atap ótti», - dedi Murat Baqtııaruly.
Budan buryn habarlanǵandaı, partııalardy tirkeý resimi edáýir jeńildeıdi.
Memleket basshysy tirkeý shegin 4 esege – 20 myńnan 5 myń adamǵa azaıtqan jón bolatynyn aıtty. Óńirlerdegi ókilder sany 600-den 200 adamǵa tómendetiledi. Partııa qurý úshin azamattardyń bastamashyl tobynyń eń tómengi sany úshten birge, ıaǵnı 1000-nan 700 adamǵa azaıady.
Aıta keteıik, Memleket basshysy Qasym-Jomart Toqaev bıylǵy Joldaýynda Prezıdenttiń Senattaǵy kvotasyn 15-ten 10 depýtatqa deıin azaıtý týraly sheshim qabyldaǵanyn jarııalady. Onyń beseýin Qazaqstan halqy Assambleıasy qazirgideı saılamaıdy, tek usynatyn bolady.
Qazaqstan halqy Assambleıasynyń Májilistegi kvotasy joıylmaq. «Meniń oıymsha, bul – saıası jaǵynan da, zańdyq turǵydan da durys qadam. Bul kvota Senatqa aýysady jáne 9-dan 5 depýtatqa deıin kemıdi», - dedi Prezıdent.
Budan bólek, Memleket basshysy Senatqa Májilis qabyldaǵan zańdardy tek maquldaý nemese maquldamaý quqyǵyn beretin norma engizgen durys dep sanaıtynyn aıtty.
«Soǵan sáıkes, zań qabyldaý quqyǵy Májiliske ǵana tıesili bolady. Al, Senattyń ókilettigin Konstıtýtsııalyq keńes pen Joǵary sot keńesiniń tóraǵasy laýazymyna usynylatyn kandıdattarǵa kelisim berý quqyǵymen tolyqtyrǵan jón. Bul ózgeris saıası júıedegi tepe-teńdik jáne tejemelik mehanızmderin eleýli túrde nyǵaıta túsedi, zań shyǵarý úderisin edáýir jeńildetedi. Sonymen qatar, tómengi palatanyń quzyretin keńeıtý qajet», - dedi Qasym-Jomart Toqaev.
