Partııalar ár óńirge laıyqty baǵdarlama jasady – sarapshy

NUR-SULTAN. QazAqparat – Partııalar aýyl-aımaqtaǵy máselelerdi eskerip, olardy óńirlik, respýblıkalyq baǵdarlamalaryna engizdi.

Bul týraly Sailau Talks-2021 sharasynda tarlan.kz ınternet saıtynyń bas redaktory, saıasattanýshy Nurǵalı Nartaı aıtty, dep habarlaıdy QazAqparat tilshisi.

«Saılaýshylardyń belsendiligi aýylda baıqalyp otyr. Almaty men Nur-Sultan qalalaryna qaraǵanda aýyl-aımaq turǵyndary belsendi daýys bergen. Soltústik Qazaqstan oblysy, Jambyl oblysy 70%-ǵa deıin daýys beripti», - deıdi tarlan.kz ınternet saıtynyń bas redaktory, saıasattanýshy Nurǵalı Nartaı.

Onyń aıtýynsha, bul saılaýdyń ereksheligi – partııalardyń ár óńirge laıyqtap baǵdarlama jasaýy.

«Ár óńirdegi halyqqa tanymal tulǵalar, qoǵam belsendileri sýyrylyp shyǵyp, partııalarǵa qosylyp, óńirdegi negizgi qordalanǵan máselelerdi ashyq aıtty. Osylaısha aýdan, aýyldaǵy máselelerdi kún tártibine shyǵara bildi. Ol máseleler eskerilip, partııalar óńirlik, respýblıkalyq baǵdarlamalaryna engizip jatyr», - deıdi ol.

Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynbyz.

Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.