Partııalar 30%-dyq kvotany mandat bólý kezinde de saqtaýǵa tıis — OSK
ASTANA. KAZINFORM — Ortalyq saılaý komıssııasynyń tóraǵasy Nurlan Ábdirov saıası partııalardy kandıdattar tizimin jasaqtaý jáne mandattardy bólý kezinde 30%-dyq kvota talabyn saqtaýǵa úndedi.
Onyń sózinshe, saılaýǵa qatysatyn jeti partııanyń kandıdattar tizimi zań talaptaryna sáıkes jasaqtalǵan.
— Quryltaı depýtattaryn saılaýǵa qatysatyn saıası partııalar kandıdattar tizimin jasaqtaý kezinde ǵana emes, depýtattyq mandattardy bólý barysynda da áıelderge, jastarǵa jáne múgedektigi bar adamdarǵa arnalǵan 30%-dyq kvotany saqtaýǵa mindetti, — dedi Nurlan Ábdirov.
Sondaı-aq ol partııalyq tizimderdi tirkeý 23 shilde saǵat 18:00–ge deıin jalǵasatynyn aıtty. Osy ýaqyt aralyǵynda OSK kandıdattardyń Konstıtýtsııa men saılaý týraly zań talaptaryna sáıkestigin tekserip, ár partııanyń tizimin jeke qaraıdy.
Eske salaıyq, buǵan deıin Quryltaı depýtattarynyń saılaýyna 34,3 mlrd teńge bólingenin habarlaǵan edik.
