Partııa kózboıaýshylyqqa barmaýy kerek - Prezıdent

NUR-SULTAN. QazAqparat – QR Prezıdenti Qasym-Jomart Toqaev bılik partııasy kózboıaýshylyqqa barmaýy kerek ekendigin aıtty, dep habarlaıdy QazAqparat tilshisi.

«Eń aldymen saılaýaldy kezeńde berilgen ýádelerdi oryndaý kerek. Partııa popýlızmmen áýestenip, oryndalmaıtyn dúnıege ýáde bermeýi, odan keıin qajetti tsıfrlardy talap etip, Premer-Mınıstrdiń, onyń kabıneti músheleriniń bastarynan toqpaqtamaýy tıis», - dedi Memleket basshysy «AMANAT» partııasynyń kezekten tys sezinde.

QR Prezıdentiniń atap ótýinshe, dál osyndaı jaıttan adamdardyń partııaǵa degen senimsizdigi týyndap, onyń teris saldary oryn alady.

«Munyń barlyǵy jınalyp kelip kózboıaýshylyq dep atalady. Kózboıaýshylyqtyń saldary adamdardyń áleýmettik kóńil-kúıi men eldiń ishki saıası turaqtylyǵyna áser etedi. Jaǵdaıdyń bulaı bolýy geosaıası jaǵdaı ýshyǵyp turǵan kezde múldem qajet emes», - dedi Qasym-Jomart Toqaev.